Si tienes l’envís d’ayudar al mediuambiente y amenorgar la to factura d’electricidá, pues apoyate n’astuenerxía porque te vamos acompañar nel procesu de definir si l’autoproducción ye pa ti o pa la to vecindá. Tamién te vamos ayudar a dimensionar la instalación y col trámite de les ayudes.
Astuenerxía ayúdate con:
Astuenerxía nun instala, nin tampoco llevamos comisiones de les empreses instaladores, garantizando asina que’l dimensionamientu se faiga acordies colos parámetros d’eficiencia y amortización de la instalación.
Astuenerxía cobra a la persona socia polos estudios detallaos y personalizaos, pa qu’asina sepa esautamente lo que recibe la cooperativa y garantiza la independencia de la mesma con respeuto a les empreses instaladores y los almacenes de suministru.
Astuenerxía tien contautu coles empreses instaladores d’Asturies porque la economía circular ye una de les nuestres señes d’identidá, poro, apostamos poles empreses llocales pa facer los trabayos. Amás, creemos qu’esta cercanía favorez el serviciu a les asociaes y los costos van ser más axustaos.
Si quies que t’echemos un gabitu pa tramitar les ayudes de la to instalación d’autuconsumu, precises ser sociu/a o tener un contratu con Astuenerxía.
Si quies que t’acompañemos nel desendolcu y puesta en marcha del to proyeutu d’autoproducción, escríbinos a autoconsumo@astuenerxia.coop o rellena esti formulariu p’apurrinos una información básica que nos ayude a orientar la nuestra charra contigo:
Queremos ser socies bastantes pa poder tener el capital necesariu pa invertir nes nuestres propies fontes d’enerxía renovable.
Al tiempu que medramos, queremos presentar la semiente pa ser xeneradores d’enerxía eléctrica proveniente d’una planta fotovoltaica como primer opción, dalgo que ye muncho más viable.
Prestaríanos llantar nun teyáu ampliu una potencia picu que seya un porcentaxe importante de los kWh utilizaos día a día poles nuestres socies.
Preferimos facer la instalación nun teyáu en cuenta d’usar terrén porque:
En definitiva, reducir el impacto medioambiental
Fomentamos la participación de todas las socias, que pueden aportar con distintos tipos de recursos:
¡¡Si quies participar, fáinoslo saber pa contautar contigo!!
