Impulsada dende la cooperativa Astuenerxía. Naz nel 2018, l’asociación Astuenerxía. L’asociación constitúyese como una asociación asturiana ensin ánimu d’arriquecimientu.

Los fines de l’asociación son los que vienen darréu:

1-Fomentar el consumu responsable d’enerxía procedente de fontes renovables.
2-Fomentar la descentralización de la producción d’enerxía, fomentando proyeutos llocales de xeneración d’enerxía renovable.
3-Favorecer la concienciación, en clave de sostenibilidá enerxética, per aciu de la formación y información social.
4-Fomentar la participación de la sociedá nel cambéu de modelu enerxéticu.
5-Promover la sostenibilidá económica, social y ambiental.

L’asociación Astuenerxía ye una entidá que tien como vocación sofitar l’aición social, ambiental y de voluntariáu de la cooperativa Astuenerxía. Si yes persona socia d’Astuenerxía o tienes interés en participar nel desendolcu de l’actividá de l’asociación Astuenerxía, pues ponete en contautu en info@astuenerxia.coop