Les Comunidaes Enerxétiques Llocales dexen avanzar na construcción d’un sistema enerxéticu descentralizáu, xustu, eficiente y sostenible
Astuenerxía asesora a les agrupaciones de persones pa que seyan a crear una comunidá enerxética identificando los pasos qu’hai que dar pa que seya efeutiva.
Una comunidá enerxética ye un coleutivu de persones que s’axunten pa producir una parte de la enerxía que-yos fai falta, xeneralmente con instalaciones fotovoltaiques, magar que nun s’escluyen otru tipu de fontes como la mini eólica, minihidráulica, biomasa, etc.
Ye un proyeutu coleutivu nel que les persones y les entidaes organizámonos p’autoproducir y xestionar la enerxía que nos fai falta de manera democrática y respetuosa col mediuambiente.
Les persones y empreses puen participar en comuña porque hai delles maneres de constituyiles que s’adauten a les distintes condiciones particulares de caun.
Imaxinemos que produces la enerxía renovable que precises. De xuru qu’hai periodos a lo llargo’l día nos que nun tas en casa. Imaxina que tienes una pequeña instalación fotovoltaica na to casa, comunidá de persones propietaries o’l teyáu del polideportivu municipal y, que lo que produxeres mientres eses hores pudieran usalo otres comunidaes de convivencia o persones usuaries. Entraríes a formar parte del mercáu llocal d’enerxía al traviés de la comunidá enerxética. En cuantes otros usen la enerxía que la tu produces, xeneres un saldu, qu’uses cuando te fai falta a ti y nun yes quien a producilo.
Si vos presta formar la vuestra comunidá enerxética llocal podéis ponevos en contautu con nosotres nel corréu comunidades@astuenerxia.coop
