Astuenerxía nació como cooperativa ensin los recursos necesarios pa comercializar direutamente la enerxía de les sos asociaes, ya que se precisen avales y medios téunicos qu’entá nun podemos facilitar. Llegóse a un alcuerdu con Enercoop de mou que les persones voluntaries d’astuenerxía xestionen los contratos de les asociaes al traviés de la tarifa de preciu indexáu. Y usamos la metá del marxe de comercialización p’apoyate a ti y poder facer l’actividá basada nos nuestros Valores.
Enerxía
- Estudiar les tos necesidaes p’afayar el t contratu, menguando los tos costos enerxéticos.
- Contratar enerxía 100% renovable menguar la to buelga de carbonu.
- Asesorate sobre autoproducción nes sos diferentes opciones.
- Acompañate en proyeutos coleutivo y/o Comunidaes Enerxétiques.
- Informar y sensibilizar sobre le nuestres opciones en materia de consumu eléctricu y mediuambiente.
Contratu eléctricu
Tarifes
N’astuenerxía ufiertamos principalmente la tarifa de preciu indexáu pero con un marxe de comercialización mui baxu. Esto supón un preciu mui axustáu dientro de los márxenes que dexa’l mercáu nel tipu de tarifa regulada. Pa les poques esceiciones que nun seya rentable la indexada, podemos ufiertar dos tarifes fixes ensin autoconsumu y una fixa con autoconsumu.
Si quies saber cómo sería la to factura con Astuenerxía, pues unvianos la to factura actual a estudio@astuenerxía.coop y facémoste la comparativa colos precios de la cooperativa.
El preciu de la tarifa tipu indexáu y polo tanto variable dependiendo del TÉRMINU DE FACTURACIÓN D’ENERXÍA ACTIVA del MERCÁU ELÉCTRICU, qu’en xeneral, cada añu suel ser más económica que les tarifes fixes o planes.
Siguimos entregando enerxía eléctrica con certificáu 100% renovable, precios mui competitivos y tresparencia total na facturación.
DOMÉSTICU
TOLOS CONSUMIDORES VAN PASAR A TENER PRECIOS DIFERENCIAOS PER TRAMOS HORARIOS, TANTO PA LA POTENCIA COMO PAL CONSUMU.
La potencia estrémase en dos periodos. Puen contratase potencies diferentes pa cada periodu.
PYMES
LA NUEVA ESTRUCTURA DE PEAXES: PYMES
Pasen d’una diferenciación de precios de tres a seis periodos, tanto en potencia como n’enerxía.
INDUSTRIES
LA NUEVA ESTRUCTURA DE PEAXES: INDUSTRIES
La estructura de peaxes caltiénse ensin
modificaciones: seis términos de potencia y seis términos d’enerxía.
Usu domésticu de la enerxía
Agora has tener en cuenta estos horarios al usar los tos electrodomésticos.
(*) Festivos d’ámbitu nacional de fecha fixa non sustituyibles y 6 de xineru
Potencies contrataes en to casa
Los 2 términos de potencia agora tienen tarifes distintes y puen ser diferentes: unu pal horariu punta y otru pa valle que ye más baratu.
(*) Festivos d’ámbitu nacional de fecha fixa non sustituyibles y 6 de xineru
Xestión
Xestionamos la contratación del to suministru eléctricu con una única factura d’electricidá actual, DNI del titular y númberu de cuenta bancaria.
Asesoramientu
Tienes un serviciu d’asesoramientu pa cualesquier tipu de consulta o xestión de cambeos (potencia, titular, tarifa,…) o trámite d’altes nueves.
Ensin permanencies
Contrata’l to suministru eléctricu con nós el tiempu que quieras. N’Astuenerxía nun creemos nes permanencies.
