Xestor d’autoconsumu

Astuenerxia, como Empresa de Servicios Enerxéticos (ESE), podemos ser el Xestor de autoconsumu n’autoconsumos compartíos, individuales o nes comunidaes enerxétiques.

Astuenerxia puede actuar dende los entamos del proyeutu d’autoconsumu hasta siguir el funcionamientu n’acabando la instalación y esta tea funcionando.

Dientro de la Fueya de Ruta del Autoconsumu aprobada en Conseyu de Ministros, el día 21 d’avientu de 2021, recuéyense 37 midíes en delles árees d’actuación col envís d’identificar los retos y les oportunidaes que se presenten pal autoconsumu y establecer midíes que contribuyan al  so despliegue masivu n’España nos años vinientes. La midida 16 ye la figura del Xestor d’Autoconsumu que tien como oxetivu facilitar a la ciudadanía la participación nos autoconsumos coleutivos.

Col fin d’entainar la tramitación de les xestiones del autoconsumo colectivu, créase la figura de Xestor de autoconsumo que va actuar como representante de los consumidores asociaos pa la interlocución colos axentes arreyaos nel autoconsumo coleutivu, como les compañíes distribuidores y comercializadoras, centralizando les actuaciones que seyan necesaries. La figura del xestor d’autoconsumu aplicaríase tamién a autoconsumos individuales.

El Xestor d’autoconsumu va tener la representación de los consumidores nos trámites rellacionaos col autoconsumu colectivu énte les compañíes distribuidores y comercializadores, y el so llabor puede entamar nel momentu que la instalación d’autoconsumu como tal quede executada y se tenga fecho yá’l procesu de llegalización de la mentada instalación énte l’órganu competente de la comunidá autónoma.

Magar que sería posible que’l Xestor d’autoconsu  se nomara primero, pa que pudiera centralizar otres xeres rellacionaes col autoconsumu como’l pidimientu de presupuestos, negociación de contratos, etc., pero igualmente’l so nomamientu tien de quedar refrendáu poles firmes de los consumidores representaos, de manera que, si un consumidor s’incorporara depués, tendrá de añedir la so autorización. Va ser nomáu por aciu d’alcuerdu robláu por tolos consumidores asociaos a los que represente.

Funciones y Responsabilidades

  • Centralizar les xestiones alministratives y comunicaciones, pudiendo recibir y custodiar la documentación rellacionada col autoconsumu coleutivu: proyecuos, autorizaciones y CIE. 
  • Sofitar a los consumidores na definición de los criterios de repartu y establecimientu de coeficientes β, unviando a la comercializadora de cada consumidor asociáu la documentación del autoconsumu coleutivu: alcuerdu de repartu y ficheru de coeficientes. 
  • Activar  l’autoconsumu coleutivu en nome del consumidor asociáu, realizando cola compañía distribuidora los trámites de cambiu del contratu ATR del consumidor asociáu. 
  • Tramitar en nome del consumidor asociáu, el cambiu del so contratu de suministru cola compañía comercializadora. 
  • Axustar cola compañía comercializadora y en nome de cada consumidor asociáu, el preciu de los escedentes naquella modalidá que se precise (CON escedentes ACOYIDA a compensación- consumidor en mercáu llibre). 
  • De dase una baxa o cambiu de consumidores asociaos, sofitar nel cambiu convenientemente del alcuerdu de repartu colos nuevos coeficientes. Recoyer la firma de los consumidores afeutaos pol cambiu nel alcuerdu de repartu y del nuevu consumidor entrante y unvialo a les compañíes comercializadoras. 
  •  Formular en nome de los consumidores asociaos les reclamaciones necesaries énte distribuidores y/o comercializadores en casos de retrasos o aplicaciones enquivocaes de los repartos o activaciones. Fonte: IDAE