Astuenerxía funciona al 100% col trabayu voluntariu de persones socies de la cooperativa dende los entamos. Por cuenta la repercusión y trescendencia del voluntariáu na cooperativa, disponemos d’un Plan de Voluntariáu d’Astuenerxía. El Plan quier xestionar l’actividá de voluntariáu de les persones socies d’Astuenerxía. Trátase de que les persones socies voluntaries tengan condiciones afayadices pa exercer l’actividá.

Buscamos reconocer, valorar y compensar el trabayu que faen les persones socies voluntaries na cooperativa. La cooperativa ufierta un Área de Voluntariáu pa que les persones socies de la cooperativa desendolquen la so actividá. L’Área del voluntariáu d’Astuenerxía va tar xestionada pola asociación Astuenerxía.

¿Gustaríate ser persona socia voluntaria n’Astuenerxía?

Si te peta ser persona socia voluntaria na cooperativa Astuenerxía, namás tienes que notificar la to disposición unviando un corréu electrónicu a: info@astuenerxia.coop Darréu, vamos ponenos en contautu pa facilitate más información sobre’l plan de voluntariáu d’Astuenerxía o tramitar la disposición pa ser persona socia voluntaria.