La cooperativa
Cooperamos pa construyir un nuevu modelu enerxéticu respetuoso pa cola vida.
astuenerxía ye un proyeutu cooperativu, ensin ánimu d’arriquecimientu que fomenta la transición a un modelu enerxéticu nuevu más sostenible, participativu y respetuosu pa col mediu ambiente
Entamos
En 2017 créase Astuenerxía, gracies al esfuerciu de les persones impulsores y unes poques socies cola voluntá de crear una cooperativa enerxética renovable n’Asturies inspirada nel modelu cooperativu del País Vascu. A esta iniciativa, sumáronse cada vez más persones hasta formar un grupu ampliu que s’organizó y trabayó hasta facer el
proyeutu realidá.
Dos de les señes d’identidá d’Asturenerxía son la independencia d’una organización política o empresarial, y l’ausencia d’ánimu d’arriquecimientu. Toles decisiones que cinquen a la cooperativa y a los beneficios decídense n’asamblea ente les persones y entidaes asociaes.
La Cooperativa Anguaño
La electricidá ye un bien de primera necesidá. La especulación de les grandes empreses colos precios, el so poder pa caltener la rixidez d’un mercáu abusivu y una transición enerxética que ta lloñe de ser verde, tresparente, participativa, y descentralizada, y tamién los sos efeutos sobre la crisis climática, son aspeutos que convierten la enerxía nun asuntu de gran interés social y sobre’l que podemos actuar.
El trabayu en rede y la collaboración de les persones y entidaes asociaes, dexa a Astuenerxía tresformar el mercáu eléctricu. Tamos comprometíos con una transición enerxética que pon en valor les enerxíes renovables, apostando, n’especial, pola creación de comunidaes enerxétiques.
Asociase a Astuenerxía significa dar el primer pasu pa tresformar el modelu enerxéticu y apostar por una transición enerxética xusta y coleutivizada. Amás, el papel de les nuestres socies y socios como los ciudadanos activos na so comunidá supón un gran cambéuu: pasar de ser persones consumidores a convertise en persones prosumidores, capaces de xenerar la so enerxía propio.
Camudamos la nuestra identidá pa incorporar nueves actividaes y alloñanos de la producción con grandes eólicos nes zones naturales.
Entamamos a trabayar na autoproducción individual y coleutiva pa les persones asociaes
Entamamos l’actividá d’asesorar na creación de Comunidaes Enerxétiques.
L’asamblea aprueba’l cambéu d’oxetu social en 2020 pa incluyir el cambéu de modelu enerxéticu nos oxetivos de la cooperativa.
Medramos en voluntarios faciendo estudios de factures y tarifes pa menguar el costu enerxéticu de les socies.
Entamamos a contratar enerxía renovable fuera de les grandes eléctriques pa les nuestres socies.
Creamos la cooperativa pa fomentar l’usu de les enerxíes renovables.
Lo que queremos facer
Entamar el primer proyeutu d xeneración pa los nuestros socios y socies.
Aumentar el númberu de persone voluntaries y incorporar formación pa persones en crear una oficina de solicitú de les ayudes pa eficiencia enerxética y mengua del usu d’enerxía de fuentes fósiles pa les nuestres socies.
Meyorar l’espardimientu y l educación nel nuevu modelu d’enerxía pa fomentar la producción enerxética llocal.
Cómo nos organizamos
Personas y entidades cooperativistes
Aquelles que son socies d'astuenerxía con igualdá d'aportación y votu
Asamblea xeneral
Muérganu al que pertenecen tolos socies nel que se tomen las decisiones más importantes
Activistes y voluntaries
Persones que faen llabores dientro d'astuenerxía siguiendo los valores y las directrices del Conseyu Reutor
Entidaes collaboradores
Entidades qu'aporten e intercambien recursos cola cooperativa
Conseyu reutor
Grupu de persones nomaes y elexíes porla Asamblea Xeneral que puxen y xestionen la cooperativa
Conoz al conseyu reutor
Francisco Rodríguez, presidente
Nacíu en Taxa (Teverga) fai 54 años, diplomáu en máquines navales pola UNIOVI y Maestru industrial na especialidá d'automatismos.
Dempués de trabayar mientres munchos años na construcción y caltenimientu de centrales de xeneración llétrica, afayé qu'hai otra forma de rellacionanos cola enerxía y entamé a trabayar de forma voluntaria na cooperativa Astuenerxía pa meyorar y tresformar la forma na que producimos y usamos la enerxía. Pol bien del planeta y de toles persones, tenemos que faer les coses d'otra manera.
Eva Fernández, vicepresidenta
Nací en Lluarca, soi Téunica Cimeru de xestión d'agospiamientos turísticos.
Xunto a la mio función de Vicepresidenta del Conseyu Rector, collaboro activamente nes actividaes divulgatives d'Astuenerxía y encárgome de emponer y asesorar a grupos promotores na formación de comunidaes enerxétiques llocales.
Anguaño desenvolvo'l proxectu rural y familiar como Cofundadora y CEO nel Albergue turísticu "La Yalga", en Querúas, qu'apuesta pol turismu sostenible. Amás, toi estudiando Ciencies Ambientales, lo que me lleva a tomar más conciencia del cambéu climáticu y la necesidá de trabayar pola sostenibilidá.
Tengo una mente inquieta y apasionada dende siempres pola naturaleza y el campu, por eso me motiva participar en proxectos como Astuenerxía: una cooperativa que defiende una transición enerxética participativa necesaria pa meyorar y paliar los efeutos de la crisis climática, un modelu enerxéticu tresformador y les comunidaes enerxétiques.
Carlos Elías, secretariu
Nacíu n'Asturies, llicenciáu en Ciencies Físiques y con suficiencia investigadora nel doctoráu d'Inxeniería Industrial de Construcción.
Trabayé en seguridá industrial y proxectos EPC per dellos países.
Toi entornáu nel proxectu d'Astuenerxía pa apurrir el mio granín d'arena a la dinamización de la rexón y a una economía más circular, onde se favoreza'l consumu de KM0, incluyida la enerxía, amás de favorecer l'asociacionismu y la participación de tolos consumidores nes decisiones enerxétiques.
Dientro de la cooperativa, collaboro coles tramitaciones alministratives de socios y contratos, asina como nos estudios de los autoconsumos pa los socios.
Ignacio Dizy, vocal
Nací en Xixón y soi tituláu pola Universidá de Texas en Sistemes d'Información.
Desenvolvíme como consultor de negociu en procesos ya innovación.
Amás de realizar les funciones de Secretariu del Conseyu Rector, encárgome de la tresformación dixital d'Astuenerxía.
Dende que los científicos nos alertaron de la grave enclín d'aumentu de les temperatures del planeta, intenté realizar proxectos qu'ayuden a les persones a amenorgar la buelga de carbonu, cola intención de que los que me mecen collaboren en meyorar y minimizar el Cambéu Climáticu. Nes comunidaes coles que me rellaciono, arreyo a les persones pa qu'amenorguen la so factura de la llectricidá ya intenten esaniciar o amenorgar el consumu llétricu de fontes fósiles. Siempres que puedo, intento convencer a les persones de que camuden el so vehículu de combustión por unu llétricu; yo tengo unu y toi encantáu d'ello.
F. Javier Pastor, vocal
Nacíu n'Uviéu, profesional de la inxeniería nel campu de la redaición de proxectos d'automatización industrial, enerxíes anovables, instalaciones llétriques, proteición contra incendios ya instalaciones en xeneral.
Collaboro con ASTUENERXÍA ayudando na transición enerxética escontra l'oxetivu d'emisiones cero.